NSE Listing: ₹4.45 લાખ કરોડના માર્કેટ કેપ સાથે 10મી સૌથી મૂલ્યવાન લિસ્ટેડ કંપની બની

ભારતના સૌથી મોટા સ્ટોક એક્સચેન્જ National Stock Exchange of India (NSE)ના શેરનું ગુરૂવારે ભારતીય શેરબજારમાં લિસ્ટિંગ થયું હતું. લિસ્ટિંગ બાદ NSEનું માર્કેટ વેલ્યુએશન વધીને આશરે ₹4.45 લાખ કરોડ પર પહોંચી ગયું છે. આ સાથે NSE ભારતની 10મી સૌથી મૂલ્યવાન લિસ્ટેડ કંપની (Listed company) બની ગઈ છે. NSEના શેરનું લિસ્ટિંગ Bombay Stock Exchange (BSE) પર થયું હતું. શેર ₹1,800 પ્રતિ શેરના ભાવે લિસ્ટ થયો હતો, જે તેના IPO ઇશ્યૂ પ્રાઇસ ₹1,785 કરતાં 0.84% પ્રીમિયમ દર્શાવે છે. લિસ્ટિંગ બાદ NSEનું માર્કેટ કેપિટલાઇઝેશન આશરે ₹4,45,500 કરોડ રહ્યું હતું. જોકે, ટ્રેડિંગ દરમિયાન શેરમાં વધુ તેજી જોવા મળી હતી. બપોરે 12 વાગ્યે NSEનો શેર ₹1,844.90ના સ્તરે ટ્રેડ થઈ રહ્યો હતો, જે લિસ્ટિંગ ભાવથી લગભગ 2.5% વધુ હતો.

IPO 5.71 ગણો સબસ્ક્રાઇબ થયો

NSEનો IPO આશરે ₹22,569 કરોડનો હતો અને તે ભારતનો બીજો સૌથી મોટો IPO રહ્યો છે. આ IPOને રોકાણકારો તરફથી મજબૂત પ્રતિસાદ મળ્યો હતો અને અંતિમ દિવસે ઇશ્યૂ 5.71 ગણો સબસ્ક્રાઇબ થયો હતો. IPOમાં ખાસ કરીને ઇન્સ્ટિટ્યુશનલ ઈન્વેસ્ટર્સ તરફથી મજબૂત માંગ જોવા મળી હતી. NSEનો IPO વર્ષ 2024માં આવેલા Hyundai Motor Indiaના ₹27,870 કરોડના IPO બાદ ભારતનો સૌથી મોટો પબ્લિક ઇશ્યૂ રહ્યો છે.

Mega IPOના ટ્રેન્ડને NSEએ બદલ્યો

ભારતના મોટા IPOમાં ઘણી વખત લિસ્ટિંગ પર નબળાઈ જોવા મળી છે. જોકે NSEએ આ ટ્રેન્ડને બદલીને પ્રીમિયમ પર લિસ્ટિંગ કર્યું છે. અગાઉ Life Insurance Corporation of India (LIC) અને Hyundai Motor India જેવા મોટા IPOના શેર ડિસ્કાઉન્ટ પર લિસ્ટ થયા હતા. તેની સરખામણીએ NSEના શેર લગભગ 1% પ્રીમિયમ સાથે બજારમાં પ્રવેશ્યા છે.

બ્રોકરેજનો મત

વૈશ્વિક બ્રોકરેજ ફર્મ Macquarie Groupએ NSE અંગે જણાવ્યું છે કે કંપનીને મજબૂત માર્કેટ શેર, ઊંચી લિક્વિડિટી, નેટવર્ક ઇફેક્ટ્સ અને ટ્રાન્ઝેક્શન સિવાયની આવકથી ફાયદો મળી રહ્યો છે. જોકે, બ્રોકરેજે શેરના વેલ્યુએશન અંગે સાવચેતી વ્યક્ત કરી છે. તેના અનુસાર, NSEના શેર માટે યોગ્ય કિંમત નક્કી થવામાં સમય લાગી શકે છે અને ઓછામાં ઓછા એક ત્રિમાસિક પરિણામ બાદ લાંબા ગાળાના વેલ્યુએશનનું મૂલ્યાંકન કરવું યોગ્ય રહેશે. બજારની નજર હવે NSEના શેરના પ્રદર્શન, ટ્રેડિંગ વોલ્યુમ, આવક વૃદ્ધિ અને ભવિષ્યના વિસ્તરણ પર રહેશે.

આ પણ વાંચો: NSEએ Listing સાથે જ દિગ્ગજ બજારોને પછાડ્યાં! BSE-MCX-IEXના સંયુક્ત મૂલ્ય કરતાં લગભગ બમણું

આ પણ જુઓ:

Watch onYouTube