NSE Share price: ₹1878 ઓલ ટાઈમ હાઈ, લિસ્ટિંગ બાદ 5 ટકા સુધી ગયો

નેશનલ સ્ટોક એક્સચેન્જ ઓફ ઈન્ડિયાના IPOની રૂ. 1,785ની ઇશ્યૂ પ્રાઇસની સરખામણીએ લગભગ 1%ના પ્રીમિયમ સાથે લિસ્ટ થયા હતા. ત્યાર બાદ શેરમાં વધુ વધારો જોવા મળ્યો છે અને હાલમાં તે રૂ. 1,876.70 પર ટ્રેડ થઈ રહ્યો છે, જે ઇશ્યૂ પ્રાઇસ કરતાં રૂ. 91.70 અથવા 5.14% વધારે છે. IPO BSE પર ડેબ્યૂ થયા બાદ રૂ. 1,878 ઓલ ટાઈમ હાઈ ગયો હતો. નેશનલ સ્ટોક એક્સચેન્જ ઓફ ઈન્ડિયા (NSE)ના IPO માટે મજબૂત માંગ જોવા મળી હોવા છતાં, ગુરુવારે દલાલ સ્ટ્રીટ પર તેનું લિસ્ટિંગ સાધારણ રહ્યું હતું. NSEના IPOનું લિસ્ટિંગ આજે, 24 સપ્ટેમ્બરના રોજ થયું હતું અને દેશના સૌથી મોટા સ્ટોક એક્સચેન્જના શેર તેના હરીફ એક્સચેન્જ BSE પર લિસ્ટ થયા છે.

NSEના શેર BSE પર શેર દીઠ રૂ.1785 નાં ભાવ સામે રૂ. 1800ના ભાવે લિસ્ટ થયા છે, જે શેર દીઠ રૂ. 1785ની ઈશ્યુ પ્રાઈસ (નિર્ધારિત ભાવ) કરતા 0.84% વધુ (પ્રીમિયમ) હતા. ભારે ચર્ચામાં રહેલો NSEનો IPO 17 સપ્ટેમ્બરથી 21 સપ્ટેમ્બર દરમિયાન ખુલ્લો હતો અને તેને 5.71 ગણો પ્રતિસાદ (સબ્સ્ક્રિપ્શન) મળ્યો હતો. આ દરમિયાન રૂ. 22568.94 કરોડના ઈશ્યુ કદ સામે કુલ રૂ. 90287.33 કરોડની બિડ્સ મળી હતી. NSEના IPOમાં રોકાણકારોનો સારો પ્રતિસાદ જોવા મળ્યો હતો. ભારતના સૌથી મોટા સ્ટોક એક્સચેન્જ તરીકે NSEનું મજબૂત બિઝનેસ મોડલ, Nifty Indexની લોકપ્રિયતા અને માર્કેટ ઇન્ફ્રાસ્ટ્રક્ચરમાં તેની ભૂમિકાને કારણે રોકાણકારોમાં રસ જોવા મળ્યો હતો. આ IPO સંપૂર્ણપણે Offer For Sale (OFS) છે. એટલે કે કંપની નવા શેર જારી કરીને નાણાં એકત્ર કરી રહી નથી, પરંતુ હાલના શેરધારકો પોતાનો હિસ્સો વેચી રહ્યા છે.

₹1,785ના અપર પ્રાઇસ બેન્ડના આધારે NSEનું વેલ્યુએશન આશરે ₹4.42 લાખ કરોડ થાય છે. આ વેલ્યુએશન સાથે NSE વિશ્વના મોટા લિસ્ટેડ એક્સચેન્જમાં સ્થાન મેળવી શકે છે. કંપનીનું આવક મોડલ ટ્રેડિંગ ફી, લિસ્ટિંગ સર્વિસ, ઇન્ડેક્સ બિઝનેસ અને માર્કેટ ડેટા સર્વિસ જેવી વિવિધ સેવાઓ પર આધારિત છે. NSEનો IPO ભારતીય કેપિટલ માર્કેટના ઇતિહાસમાં સૌથી મોટા પબ્લિક ઇશ્યૂમાં સામેલ છે. હવે 24 સપ્ટેમ્બરના લિસ્ટિંગથી સ્પષ્ટ થશે કે રોકાણકારો NSEને કયા વેલ્યુએશન પર સ્વીકાર કરે છે.

આ પણ વાંચો: ભારતીય બ્રોકિંગ સેક્ટર પર વૈશ્વિક બ્રોકરેજીસની નજર, NSE-BSE સહિત કંપનીઓને આપ્યું રેટિંગ

આ પણ જુઓ:

Watch onYouTube